Angut 50-inik ukiulik iperarneqarpoq
Angut 50-it missaannik niviarsiamik 20-nik ukiulimmut pinngitsaalillugu arneriffiginnissimasutut januaarip naalerneranili Aasianni tigummigallarneqartoq pingasunngormat iperagaavoq.
Allattoq Najaaraq Egede
Angut suliap misissorneqarnerani tigummigallarneqassasoq eqqartuussisut januaarip 29-ani aalajangerpaat, tassa tigummigallagassanngortinneqarluni.
- Angut eqqartuussivimmi nassuernikuuvoq niviarsiaq piumammat atoqatigisimallugu. Niviarsiaq oqarpoq pinngitsaaliinerusoq angulli tassa oqarpoq piumassutsimik pisoq, Aqqaluk Petersen Aasianni Politiinit KNR-imut oqarpoq.
- Suliaq misissoreerlugu angutip Niaqornaarsummeersup tigummineqaannarnissaa tunngavissaqanngitsoq paasivarput, taamaammallu pingasunngornermi februaarip arfineq-pingajuani iperarparput, nassuiaavoq.