Angut 45-inik ukiulik Rønne-mi toqutaavoq
Angut 45-inik ukiulik kalaallinit kingoqqisoq Bornholme-mi Rønne-mi ippassaq toqutaavoq.
Allattoq Jaaku Lyberth
Angut 39-inik ukiulik toqutsisuulluni nassuersimavoq aviisi sermitsiaq ag nittartakkamini taamatut allaaserisaqarpoq. Toqutaasoq toqutsisorlu toqutsinerup nalaani imigassartorsimapput. Angut toqutsisoq angutip toqutaasup najugaqarfianukarsimavoq tassanilu oqqatilersimapput, kingornalu qinneriaammik angutip aappaa kapineqarnermi kingorna toquvoq. Toqutsisup inooqatigisaa arnaq, toqutaasorlu marluullutik arnamik meeraqarfeqarput. Angut 39-inik ukiulik toqutsisoq killisiorneqarnermi kingorna sapaatit akunnerini sisamani tigummigallassanngortinneqarpoq. Killisiorneqarnermini toqutsisutut nassuerpoq.