Politiit ullormut nalunaarutaat: Angut 42-nik ukiulik ilaquttaminut nakuusernermi kingorna politiinit tigummigallarneqartoq
Angut 42-nik ukiulik ilaquttaminut ataasinngormat sisamanngoriilaartoq nakuusermat Nuummi politiinit tigusarineqarpoq.
Allattoq Nicole Sander Bertelsen
marsip 03-at 2026 08:59
Nutserisoq Steve Pedersen Hinrup
Angut 42-nik ukiulik ilaquttaminut nakuusernini ippassaq ualikkut tigusaassutigaa.
Ilaqutaasut nalunaaqutaq 15:47 politiinut nalunaarutiginnimmata angut sisamanngoriilaartoq tigusarineqarpoq.
- Angut nakuusernini allanillu ulorianartorsiortitsilluni pinerluttuliortarsimanini pissutigalugit ullumi sassartinneqassaaq, Kalaallit Nunaata Politiivini sillimasut pisortaat, Poul Kreutzmann oqarpoq.
Politiit angutip tigummigallarnerani sassartissavaat.
Ilaqutaasoq nakuuserfigineqarsimasoq 64-inik ukioqarpoq. Nakuuserfigineqartoq ajunngilaq inuunerminillu navianartorsiorani, politiit sillimasut pisortaat oqarpoq.
