31-nik ukiulik Jens Anguteeraq Benjaminsen politiinit siorna novemberimili ujaarineqartoq suli ujaarineqarpoq.Assi: Politiet i Grønland

Angut 31-nik ukiulik politiinit suli ujaarineqartoq

31-nik ukiulik, Jens Anguteeraq Benjaminsen, siorna novemberip ulluisa aqqaneq-aappaannili politiinit ujaarineqartoq, suli nassaarineqanngilaq, Qaqortumi politikommisær, Søren Arnth Hansen taama oqarpoq.

- Suli ujaarineqarpoq, innutaasuniillu politiinut saaffiginnissutigineqartut 31-nik ukiullip nassaarineqarsinnaaneranut iluaqutaasimanngillat. Politiit maannakkut ujaasinngillat ujaarineqartorlu pillugu innuttaasut paasissutissanik peqarunik politiinut saaffiginninnissaannik kaammattorpagut, politikommisær KNR-imut oqarpoq.

AAMMA ATUARUK Kujataa: Politiit ujarneqartoq attaveqarfigerusukkaat

Qaqortumi politiit kujataani innuttaasunut kaammattuutertik decemberip 20-aneersoq aalajangiusimavaat tassalu quit, illut inoqanngitsut, inuilluunniit sumiiffigisinnaasaat alapernaaqqullugit. 

Ujaarineqartoq 31-nik ukiulik, Anguteeraq Benjaminsen 170-it 175 centimeterit missaannik angissuseqarpoq, nerinnattuulluni, takilaartunik qernertunik nujaqarpoq, kajortunik qalipaatilinnik iseqarpoq, naatsunik kakkivissamigut umeqarpoq, qaaminilu talerpiatungaani qileroqarluni.

Kingullermik takuneqarami qaqortumik jakkeqarpoq, koorpunik tungujortunik qarleqarluni.

Inuit Jens Anguteeraq Benjaminsen pillugu paasissutissaateqarunik Qaqortumi politiinut oqarasuaat 70 11 22-mut imaluunniit Kalaallit Nunaanni politiinut 70 14 48-mut saaffiginneqquneqarput. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat