Angut 30-inik ukiulik savilersorpoq
Nanortalimmi arfininngormat ullaakkut nal. 7.15 politiit savilersortoqarneranik nalunaarfigineqarput.
Allattoq Lotte Holm
Politiit ornigukkamik angut 30-nik ukiulik savimmik qunusaarisoq naammattoorpaat, tigusariniarneranullu atatillugu angutip politeeq toqunniarlugu sioorasaarpaa. Taama pisoqarmat politiit mianersoqqussummik igittariaqarsimapput. Angut tigusarineqarpoq killisiorneqareeramilu iperarneqarluni, kingusinnerusukkulli eqqartuussivimmut sassartinneqarumaartoq politiit oqaatigaat.