Tarrant, inunnik 51-inik toqutsisimasutut pasineqarpoq, inunnillu allanik 40-nik toqutseriarsimasutut, taassuma saniatigut aamma pasineqarluni. Peqqarniisaarniarsimasutut unnerluutigineqarpoq.Assi: Pool / Reuters / Ritzau Scanpix

Angut 28-nik ukiulik muslimit qinusarfianni toqoraasimasutut pasineqartoq pinngitsuunerartoq

Brenton Tarrant, New Zealandimi muslimit qinusarfiisa ilaannik ukioq manna marsimi saassussinermi inunnik 51-inik toqutsisimasutut pasineqarluni eqqartuussivimmut sassartinneqartoq, pinngitsuunerarpoq.

Eqqartuussivimmut nunatta nalunaaqutaa naapertorlugu unnuaq sassartinneqarami taama oqarpoq. Nutaarsiassaqartitsivik AP taama allaaserisaqarpoq.

Tarrant, 28-nik ukiulik, Aucklandimi parnaarussivimmi immikkut isumannaalisakkami maanna tigummineqarallarpoq, tamannalu pillugu eqqartuussivimmut sassartinneqarnerminut atatillugu videokkut attaveqaatikkut sassartinneqarluni.

AAMMA ATUARUK New Zealandimi toqoraasoq peqqarniisaarniarsimasutut aamma unnerluutigineqartoq

Saassussinermi aniguisut, toqutaasunullu qanigisaasut 80-init amerlanerusut, eqqartuussivimmi najuupput.

Tarrant, inunnik 51-inik toqutsisimasutut pasineqarpoq, inunnillu allanik 40-nik toqutseriarsimasutut, taassuma saniatigut aamma pasineqarluni. Peqqarniisaarniarsimasutut unnerluutigineqarpoq.

Eqqartuussinermi pisuutinneqassaguni inuunermi sinnerani parnaarussassanngortinneqarsinnaavoq.

Saassussisup saassussinini videoliaraa, videoliarlu taaanna Facebookikkut toqqaannartumik aallakaatinneqarluni. Angutit, arnallu meeqqallu qinunerup nalaani aallaaneqartut videomi takuneqarsinnaavoq.

AAMMA ATUARUK New Zealandimi inunnik 50-inik toqutsisutut 39-nillu toqutseriartutut pasineqartoq

Tarrant qaamasumik amilittut angutitut nalinginnaasutut imminut isigivoq, Norgemiorlu inorersoq Anders Behring Breivik nuannaartoralugu.

Eqqartuussineq aappaagu 2020-mi maajimi aallartissaaq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat