Angut 24-nik ukiulik Narsami ipilluni ajunaarpoq
Angut 24-nik ukiulik Narsami arfininngormat ajunaarpoq.
24-nik ukiulik ikinngutini arlallit ilagalugit imeqarfimmut nalukkiarsimavoq, tassanili ipilluni.
Allattoq Mads Lynge
Narsami politiit ittuat, Mathæus Larsen, taama ilisimatitsivoq.
24-nik ukiulik ikinngutiminit uummarsarneqaraluarpoq, iluatsinngitsumilli.
Angajoqqaat politiinit kajumissaarneqarput meeqqat inuusuttuaqqallu mianersoqqusassagaat. Imeqarfimmi nalunneq inerteqqutaagaluarpoq, taamaakkaluartoq imeqarfimmut nalukkiassagaanni mianersortariaqartoq, Narsami politiit ittuat, Mathæus Larsen, oqarpoq.