Angut 21-nik ukiulik toqutsisimasutut unnerluunneqarpoq

Angut 21-inik ukiulik Ilulissani najugaqartoq persuttaanermi kingorna toqutsisutut maanna unnerluunneqarpoq. Taama Nuup politimester-eqarfianiit politeeq Morten Nielsen nalunaaruteqarpoq.

Ilulissani angutip 38-inik ukiullip inimini toqungasup nassaarineqarnerata kingorna, 21-inik ukiulik februaarip qaammataa aallartilaartorli politiinit tigummigallagaavoq. Unnerluutigineqartoq nassuersimavoq kamaassimallutik, persuttaanermili kingorna toqutsisutut pinngitsuunerarpoq.

Februaarip qaammataani unnerluutigineqartup tigusarineqarnerata kingorna, politiit immikkut ittumik pinerluttoqarsimatillugu misissueriaasertik atorlugu misissuisimapput. Misissuinermilu takuneqarsinnaavoq, 38-inik ukiulik persuttarneqarnermi kingunerisaanik toqqutseqarsimasoq.

Suliaq massakkut Ilulissanut nassiunneqalerpoq. Eqqartuussinerlu sapaatip akunnerini tulliuttuni ingerlanneqartussaassaaq. Angut eqqartuunneqarnissami tungaanut tigummigallagaavoq.