Angummik 59-inik ukiulimmik ujaasineq taamaatinneqartoq
Kalaallit Nunaanni Politiit Issittumilu Sakkutooqarfiup Maniitsumi angummik 59-inik ukiulimmik ujaasinertik unitsippaat.
59-inik ukiulik Halfdan Rosing Jensen ataasinngornermi ullaakkut arfernup qeqqa kingullermik takuneqarpoq.
Allattoq Paarnannguaq Nielsen
juunip 18-at 2025 15:56
Halfdan Rosing Jensen 59-inik ukiulik Maniitsumeersoq ataasinngornermi unnukkut ujaarineqalerpoq.
Annertuumillu ujaasisoqareertoq, Kalaallit Nunaanni Politiit Issittumilu Sakkutooqarfiup ujaasinertik maanna unitsikkaat.
Kalaallit Nunaanni Politiit pigaartut pisortaata Poul Kreutzmannip uppernarsarpaa.
Angut 59-inik ukiulik suli nassaarineqanngilaq, innuttaasullu suli ujaasisinnaasut ilaqutaasut Facebookimi kaammattuipput.
Angut ataasinngornermi ullaakkut arfernup qeqqa angerlarsimaffimminit umiatsiaminukartoq kingullermik takuneqarpoq.
