Angu Roskilde Festivalimi
Allattoq Carla Davidsen
juulip 02-at 2005 17:12
Erinarsortartoq nunatsinneersoq Angu Danmarkimi Roskildimi Festivaleqarnerani ullumi peqataavoq.
Qaqortormiu erinarsortartoq inuusuttoq tusaamasaaleraluttuinnartoq taanna oqaluttuarpoq, seqinnarissuaq Pavillionimi erinarsorsimalluni, inuppassuit tusarnaartoralugit.
Angu tusarnaartitseqqammersoq pissarsiaraarput, oqaluttuarporlu misigisaq imaannanngitsuusoq, pingaartumik eqqarsaatigissagaanni aatsaat taama tusarnaartoqartigaluni erinarsorami.
Angu aamma Tivolimi tusarnaartitsissaaq julip ulluisa 31-ianni aammalu augustip ulluisa aallaqaataanni kalaallit naapinneranni. Aamma tusarnaartitsisussanut ilaavoq Julie Berthelsen.