Angu MTVe-mi sallersaavoq
Angup nipilersuusiaa ”Red Light” qaamaneq aappaluttumik nutserneqarsinnaasoq, Europami inuusuttut isiginnaarluartagaanni MTV-mi isiginnaartartunit taasisunit siullertut inissisimalerpoq.
Angu Motzfeldt MTV-mi isiginnaartartunit nuannarineqaqaluni nuannarineqarpaatut siullertut mannna inissisimalerpoq.
Angup nipilersuusiaanik ikiuulluarsimasoq Atlantic Musicip piginnittaa Ejvind Elsner radioaviisimut oqaluttuarpoq, Europami inuusuttut nipilersuutit assigiiginnartilersimagunarlugit qatsussimassagaat, taavalu Angup taalliai sallaannerummata allagalugit alutorisimassagaat, taamaasillunilu normu 1-tut inissilluni. Taamaasillunilu kalaallini siullersaalluni Angu tusaamasanut ilanguttoq.
Ejvind Elsner aamma oqarpoq Angup CD-liaa nunatsinni aamma tunisaalluartoq, kalaaleq tuluttut erinarsortoq nunatsinni aatsaat taama ussannneqartigaluni pisiarineqartigaaq, Cd-liaai 4.800-t tunisaareerput.