Angu MTV-mi
marsip 22-at 2005 05:32
Nipilersortartut ilaata nunatsinneersup Angup suli amerlanerusunik tusarnaarteqalernissaa tusaamasaanerulernissaalu periarfissinneqarput. Tassa Angup nunat tamalaat nipilersornikkut pikialaarfiannik taaneqarsinnaasumi TV-kkut kanalalimi MTV-mi nipilersugaa videoliaq ”Red Lights”, nuannarineqarnerpaani 20-ini toqqagassanut ilanngummat.
MTV-mi nipilersukkanik nuannarineqarnerpaanik 20-inik taasineq MTV-p qarasaasiakkut nittartagaani ingerlanneqarpoq, nittartakkamut iseraanni immikkoortoq taaguutilik Opnorth naqineqassaaq, taavalu Angumik allanilluunniit qinersilluni. Angup nipilersugaata ”Red Lights”-ip videoliarineqarnera Inuk Silis Høegh-mit suliarineqarsimavoq.
