Angerlarsimaffinni eqqissiviilliornerit imaaginnavissimapput

Politiit nunatsinni ukiutoqqami ukiortaamilu ulappussimapput. Annerusumilli ajoqusertoqarsimanngitsoq pinartumillu annerusumik aamma pisoqarsimanngitsoq ilanngullugu nalunaarutigaat.

Angerlarsimaffinni eqqissiviilliornernut amerlasuunut ukiortaami orniguttariaqarsimapput. Kunuk Frederiksen politiineersoq taama nalunaaruteqarpoq.

- Politiit piareersimasuutitat ulapissimaqaat. Politiinik kalerriinerit ullumi ullaap tungaani nalunaaqutaq aqqanermut aatsaat unipput, Kunuk Frederiksen oqarpoq.

Politiit ulloq unnuarlu pillugit nalunaarusiaat taassuma qimerloorsimavai, politiillu angerlarsimaffinni eqqissiviilliornernut amerlasuunut orniguttariaqarsimasut taassuma takusinnaavaa.

- Tillinniartoqarsimorli aamma, soorlu aamma nakuuserniartoqarsimasoq imigassartorsimatillunilu biilinik ingerlatsisunik siumuisoqartoq aserorterinernillu aamma nalunaaruteqartoqartoq. Pinartunilli allanik, soorlu toqutseriarnernik pinngitsaaliiniarnernillu qujanartumik nalunaaruteqartoqanngilaq, politiit oqarput.

Naallu politiit assigiinngitsutigut kalerrinneqartarsimagaluarlutik ilaatigut orniguttariaqarsimanngitsut, Kunuk Frederiksenip oqaatigaa.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!