Angerlarsimaffimmini hampimik naatitsisoq unnerluutigineqarpoq
Piffissami sivitsortumi angut 20-nik ukiulik, ikiaroornartumik eqqusseriarsimasutut politiinit nakkutigineqarsimavoq, sapaatillu akunnerani matumani siusinnerusukkut tigusarineqarluni.
Angutip 20-nik ukiullip angerlarsimaffiani politiit misissuigamik tupaallaatigisaminnik naammattuugaqarput.
Tassami angut naasunik naatissallugit inerteqqutaasunik ikiaroorniutigineqarsinnaasunik naatitsisimasoq, Atuagalliutini allaaserineqarpoq.
Iikkat plastikimik qallersorneqarsimapput, naasullu imilersuummik sanaamik imerteruserneqarsimalltuik.
- Suliaminik ilisimannilluartup suliarisimavai, politiini ikiaroornartulerisut pisortaat Finn Jeppesen, taamatut naatitsisumik aatsaat naammattoorsisoq Atuagalliutinut oqarpoq.
Angut 20-nik ukiulik ikiaroornartumik kiilup affaanik eqqussisimasutut kiisalu angerlarsimaffimmini hampimik naatitsisimasutut unnerluutigineqarpoq.
