Angerlarsimaffik Markusholm sammineqaqaaq
Tassami ullumikkut saqqummiunneqarpoq, angut 42-nik ukiulik januaarimi nakorsaatiminit toqquteqarsimasoq.
- Misissuinerput naapertorlugu 42-nik ukiulik nakorsaatiminik toqquteqarpoq, taama oqarpoq, Fynip politiivini pisortaq Johnny Schou.
42-nik ukiulik pualluuteqarluni Odense Universitetshospitalimut januaarimi unitsinneqarpoq. Ullullu aappaata affaa qaangiummat toqulluni.
Misissueqqissaarnikkut paasineqarpoq, 42-nik ukiulik nakorsamit nakorsaasiunneqartumik annaarlugu nakorsaaserneqarnerminik – tassa ilaatigut nakorsaatinik eqqissisaatinik annaarlugu nakorsaaserneqarnerminik toqquteqartoq.
Politiit oqaatigaat, angut napparsimmavimmit annaarlugu nakorsaaserneqarsimaneranik takussutissaqanngitsoq.
Politiiniit nakorsat eqqartuussinermi siunersiorneqartartut oqaaseqaqquneqareerput. Oqaaseqarnerallu naapertorlugu unnerluussinissaq siunertaralugu misissuisoqassanersoq aalajangiiffigineqassaaq.
