Angerlarsimaffeqanngitsut pillugit ataatsimeersuarneq angerlarsimaffeqanngitsut nakorsiarniarnerannut ajornaannerusumik sullinneqalernissaannik kinguneqarpoq. Toqqorsivimmit assiAssi: Beverly/Flickr Creative Commons

Angerlarsimaffeqanngitsut peqqinnissaqarfimmik atuinissaat ajornaannerulissasoq

Nuummi angerlarsimaffeqanngitsunut immikkut ittumik neqerooruteqarnissamik Peqqinnissaqarfik aallarniivoq, angerlarsimaffeqanngitsut peqqinnissaqarfimmit ajornaannerusumik sullinneqarnissaat siunertaalluni.

Angerlarsimaffeqanngitsut, inuuniarnermikkullu ajornartorsiuteqartut pillugit Nuummi pingasunngormat ataatsimeersuartoqarnerani taama qisuariartoqartoq, Peqqissutsimut naalakkersuisoqarfik tusagassiutinut taama ilaatigut allaaserisaqarpoq.

Angerlarsimaffeqanngitsut inuuniarnermikkullu ajornartorsiuteqartut pisortat neqeroorutaannik annerusumik atuisannginnerat ataatsimeersuarnermi ilaatigut eqqartorneqarput.

Ajornartorsiutip iliuuseqarfigineqarnissaa peqqinnisaqarfiup suliniutitigut aallartikkaa naalakkersuisoqarfiup nalunaarutigaa:

AAMMA ATUARUK Hjemløs: Tankevækkende, at vi ikke er med til hjemløsekonference

- Oqarasuaammi tullinnguuttorpassuit, nakorsiarnissamut piffissat aalajangersimasut, siumut pilersaarutaareersunik ingerlatassat inuuniarnermikkut ajornartorsiuteqartunut angerlarsimaffeqanngitsunullu tulluarsarneqarsimanngillat, Peqqissutsimut naalakkersuisoq Martha Abelsen oqarpoq, nangillunilu:

Neqeroorut nutaaq iluaqutaassasoq

- Tamanna inuiaqatigiittut isummerfigisariaqarparput, eqimattanullu taakkununnga annertunerusumik neqeroorutinik aaqqissuussanik neqeroorfigineqarnissaat sulissutigalugu, Martha Abelsen oqarpoq.

AAMMA ATUARUK Hjemløse: Vi vil gerne bruge varmestuen mere

Tamanna tunngavigalugu Peqqinnissaqarfik angerlarsimaffeqanngitsunut sapaatip akunnerani ataasiarlutik peqqinnissamik oqaloqatiginninnissamik angerlarsimaffeqanngitsunut periarfissiiniarlutik aalajangerput, saaffiginnittarfik angerlarsimaffeqanngitsut sumiiffigisartagaani pisassasoq, Peqqissutsimut naalakkersuisoqarfik allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat