Angerlarsimaffeqanngitsut kialaartumi juullisiussapput
Angerlarsimaffeqanngitsunut café juullimi aamma ukiortaap naalaani nalliuttuni sivisuumik ammaniarpoq. Angerlarsimaffeqanngitsut aamma namminersortunit tunissutisiassaqarput. Taama Kommuneqarfik Sermersooq nittartakkamini allappoq.
Nuummi angerlarsimaffeqanngitsut unnuisarfimmit toqqaannaq nalunaaqutaq ullaakkut arfineq pingasunut cafémukarsinnaassapput, taanna juullip ulluini tamani, ukiutoqqami aamma ukiortaami ammassaaq.
- Aamma illoqarfimmi suliffeqarfiutilimmit 5.000 koruuninik tunissuteqarfigineqarput kalaaliminersiutissaminnik, taama Kommuneqarfik Sermersuumi suliamik ataqatigiissaarisoq Pia Johnsen, oqarpoq.
Suliffeqarfik Arsarnerit 5.000 koruuninik tunissuteqartuuvoq kalaaliminersiutissanik. Aamma Joe Seiden Godthåb Olietransportservicemeersoq angerlarsimaffeqanngitsut unnuisarfimmiittartut kamippattaartinniarlugit neriorsuivoq.
