Kajumissutsiminik sulisoq: Angerlarsimaffeqanngitsut juullimi puigorneqarsimasutut misigissanngillat

Kisimiikkaanni piffissalluunniit ilaani ilorrisimaarnermut, ilaqutariinnermut ataatsimooqatigiinnermullu tunngasumi puigorneqartutut misigisimagaanni juullip anigorniarnissaa oqimaannerpaasinnaasarpoq.

Amerlasuut juullimut tunissutissanik pisiniarlutik, pinnersaallutik ilaqutariillu ataatsimoorneranni ulapputtartut ilaasa sunngiffitsik toqqissisimanartumik juullisiorluarnissaminnut killissanik pilersitsinissamut toqqissiffissaqarluanngitsunut aaqqissuussinermut atorpaat.

- Tassa kisimiittut imaluunniit angerlarsimaffeqanngitsut kisimiittullu, juullip kissalaarneranik misigisaqarnissaat, tuninissaat, pisariaqarluinnarami, tassami ukiup ingerlanerani nalliuttut nalliukkaangata misigissutsikkut oqimaannerpaamik misigisaqartarsinnaagamik.

AAMMA ATUARUK Angerlarsimaffeqanngitsut juullisioqatigiinnissaannut peqataaniartorpassuusut

Nuummi angerlarsimaffeqanngitsunut juullimut aaqqissuusseqataasoq, Inger Berglund Kleist taama oqarpoq.

Aaqqissuussisarneq 2006-imi aallartinneqarpoq, taamani angerlarsimaffeqanngitsuusimasup kaammattuuteqarnerata kingorna Inger Berglund Kleist ilinniartitsisoqatini marluk peqatigalugit juullimut siullerpaamik aaqqissuussipput.

Nukâraĸ Berglund aallaqqaataaniilli peqataasimasut marluk ilagaat. Taassuma ilinniartitsisut pingasut iliuuseqarnissaat qanoq pingaartiginera facebookimi quppernermut allappaa.

AAMMA ATUARUK Innuttaasut 878-it angerlarsimaffeqanngitsuupput

- Aallartinnitsinni tunngavigisatsinnut pingaarluinnartunut ilaavoq, illoqarfitsinni naak innuttaasut, pisortat qinikkallu angerlarsimaffeqanngitsoqartoq nalunngikkaluarlugu “isiginngitsuusaarneqartuarmata”. Aallartinnitsinniilli juullisiortitsisarnitsinnut peqataasartut ajoraluartumik amerliartorusaartuaannarnikuupput, Nukâraĸ Berglund allappoq.

Ikiuunnissarli takornartaanngitsoq, Inger Berglund Kleistip oqaatigaa.

- Taanna perorsagaanermiikkunarpoq. Meeraagallaratta angajoqqaatta ningiukkuttalu oqarfigiuartarnikuuaatigut inoqatitsinnut ikiuuttassasugut, taavalu aamma ikiuuffigisinnaasatsigut ikiuuttassasugut, uangalu misigisimanikuuara taanna suliffimma ilaquttamalu avataatigut nukissaqarfigalugu.

AAMMA ATUARUK Angerlarsimaffeqanngitsut samminngippallaarpagut

Ikiuunnissaminnut soqutiginnittut Atuarfik Samuel Kleinschmidtimi sisamanngorneq decembarip 20-anni nal. 19.00 ataatsimiinnermut takkussinnaapput. Poortugarsiassanik poortuisoqassaaq, decembarillu 24-anni nal. 12.00-imit aallartittumik aaqqissuussinermut pilersaarusiaq inissitserneqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat