Angerlarsimaffeqanngitsut isumasioqatigiissutigilerpaat
Taama ataatsimeersuarnissamut qaaqqusineq nunatsinni inissaaleqineq- angerlarsimaffeqanngitsullu pillugit sukumiisumik misissuisoqarnissaa ukioq 2011-ip naalernerani Naalakkersuisut suliakkiutigaat, suliarlu Danmarkip naalagaaffiata Inissialiorneq pillugu instituttiannit ingerlanneqalerpoq, taakkulu misissuinerisa aappaagu 2013-ip aallartilaarnerani naammassineqassaneri naatsorsuutigineqarluni.
Misissuinermi Nunatsinni Inissaaleqineq- Angerlarsimaffeqanngitsullu misissugarineqarput, ajornartorsiullu qanoq atugaatiginersoq paasiniarneqassallunittaaq.
- Una misisissuititsinerput pingaaruteqarluinnarpoq. Inuiaqatigiinnimi nutaaliaasuni atugarissaarfiusunilu Inissaleqineq- Angerlarsimaffeqanngitsullu siunertaqarluartumik iliuuseqarfiginiarutsigit sukumiisumik misissuisoqaqqaarnissaa allaqqunneqarsinnaanngilaq. Ilaqutariinnermut Naalakkersuisoq Mimi Karlsen tusagassiutinut taama nalunaarusiorpoq.
Misissuititsinermi inuit Inissaaleqinermik angerlarsimaffeerunnermilluunniit eqqugaasimasut ilaatinneqartussaanerisa saniatigut ajornartorsiutinik taakkunanngarpiaq suliaqartartut misissuititsinermi peqataatinneqassapput.