Angerlarsimaffeqanngitsut hunnorujulikkaat

Angerlarsimaffeqanngitsut ilaqutariillu angerlarsimaffimmit anisitaasut suli amerlaqisut, Namminersorlutik Oqartussat akiitsut akiitsunillu taarsersuineq pillugit nalunaarusiaanni, maanna tusarniaassutigineqartumi, atuarneqarsinnaavoq.

Nalunaaarusiaq innuttaasunut akiitsoqarnikkut ajornartorsiutilinnut siunnersuisarfimmik pilersitsisoqarsinnaaneranik misissueqqissaarnermik Naalakkersuisut suliaqarnerannut ilaavoq.

Angerlarsimaffeqanngitsut 600-t missaanniittut kisitsisit takutippaat.

Paasissutissanilli tigussaasunik pissarsinissaq ajornakusooqimmat,  kisitsisit saqqummiunneqartut missingersuutaannaasut, nalunaarusiami eqqumaffigeqquneqarpoq.

Angerlarsimaffeqanngitsummik ilaquttaminni ikinngutiminniluunniit inisimasartut inunnik nalunaarsuisarfinnut nalunaarneq ajormata, inisimaffimmik ineqarnermut tapiissutisianut taamaalioruni sunniuteqarsinnaammat.

Angerlarsimaffissaaleqineq Inatsisartuni ullumi ullormut oqaluuserisassani ilaavoq.

Namminersorlutik Oqartussat kommunit suleqatigalugit angerlarsimaffeqanngitsunut angerlarsimaffiugallartussanik 100-nik sanaartornissaat qulakkeerniarlugu aningaasaleeriaatsimik imaqartumik Naalakkersuisut saqqummiussinissaat Inuit Ataqatigiinnit siunnersuutigineqarpoq.

Siunnersuulli Naalakkersuisunit taperserneqanngilaq. Nunatsinni innuttaasunik sanngiinnerusunik isumaginninnissaq kommunit pisussaaffigigaat, ilaatigut tunngavilersuutigineqarpoq, taavalu angerlarsimaffeqanngitsunut immikkut inissialiornissaq ineqarnermut inatsimmi ilaanani.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat