Angerlarsimaffeqanngitsut: Frelsens Hærimiinnerusarusukkaluarpugut

Nuummi Frelsens Hærimi isersimaartarfik kialaartoq aggustimili ullup-qeqqanut matusalerpoq. Angerlarsimaffeqanngitsulli ualikkut sisamat tungaanut ammasarnera maqaasivaat.

Nuummi Frelsens Hærimut inuit 60-it missaanniittut ullormut takkuttarput. Takkuttartut amerlanerpaartaat angerlarsimaffeqanngitsuupput.

Ini kialaarfik ullaakkut qulingiluaniit ullup-qeqqata tungaanut ammasarpoq, matugaangallu angerlarsimaffeqanngitsut allamik sumiiffissarsiortariaqartarput. Aamma perseraangat.

- Soorunami ernumassutigisarpakka. Inuimmi ajornartorsiuteqartut uummateqarfigingaatsiarpakka, Martin Mader, Nuummi Frelsens Hærimi aqutsisoq oqarpoq.

Nuummi Frelsens Hær ullakkut qulingiluanut ammatarpoq isertunullu ullaakkorsiortitsisarluni. Takkuttut amerlanerpaartaat angerlarsimaffeqanngitsuusarput.

Frelsens Hær siusinnerusukkut ullup-qeqqaniit sisamat tungaanut ammasaraluarpoq, Kofoeds Skolemulli aamma ullup qeqqasiortitsisartumut unammillerniarnatik ullaakkut qulingiluaniit ullup-qeqqata tungaanut ammasalerput.

AAMMA ATUARUK Angerlarsimaffeqanngitsut silarlukkaangat iserfissarsiortarput

Frelsens Hærilu ullup-qeqqanut matugaangat angerlarsimaffeqanngitsut allamik ornissinnaasaqarnerat Martin Maderip isumalluarnartoqartippaa.

- Inuit sumiiffissaarunnissaat ernumassutiginngilara, Martin Mader oqarpoq.

Taassuma angerlarsimaffeqanngitsut Kialaarfimmut, Kofoeds Skolemut, atuakkanik atorniartarfimmut Katuamullu innersuuttarpai.

- Isertartut namminneq aalajangigassaraat, sumukarnissaannut pinngitsaalisinnaanngilagut. Nammineq isumaqartarpugut, sumiiffiit taakku tamanit ornikkusunneqarneq ajorput, Martin Mader oqarpoq.

Angerlarsimaffeqanngitsulli Frelsens Hærimi ullumikkut isersimasinnaanerminnik sivisunerusumik isersimasarusukkaluarput:

- Kaffi tii iluarpoq, kisianni 3 tiimiinnaagami ullup qeqqata tungaanut. Ullup sinnersua sila taamaatsillugu ajorami, Inunnguaq Lund angerlarsimaffeqanngitsuusoq oqarpoq.

- Sakkortusarpoq, qamuuna soorunami eqqarsaaterpassuit ingerlasaramik aamma. Pisariaqartitsivugut suli sivisunerusumik ammasarnissaanik, Per Jeremiassen oqarpoq.

AAMMA ATUARUK Kialaarfik: Angerlarsimaffeqanngitsut anisittariaqartarpagut

Kommuneqarfik Sermersuumi angerlarsimaffeqanngitsut 80 procentii Nuummiittuupput.

Nuummi angerlarsimaffeqanngitsutut 366-it siorna martsimi nalunaarsorneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat