Angallatinut 6 meterit sinnerlugit angissusilinnut pisassiissutit qaffanneqassanngillat
Hans Enoksenip Siumumeersup aalisarnermut naalakkersuisumut apeqqutigaa angallatit 6 meterit sinnerlugit angissusillit qaleralinnik aalisartut pisassaat qaqugu qaffaaffigineqassanersut. Lyberth akissuteqarluni allappoq pisassiissutinik qaffaasoqarnianngitsoq.
Allattoq Peter Troelsen, Simon Uldum
decembarip 04-at 2013 06:51
Lyberthip aalisaneq pillugu inatsit innersuussutigaa, angallatinut 6 meterit sinnerlugit angissusilinnut pisassiissutaasartut tassani aalajangersaavigineqarsimammata. Inatsit naapertorlugu aalisartut pisassaminnik tamarmiusunik pisaqareersimasut aalisartunit allanit aalisagartassaminnik sinneqartooruteqartunit pisassiissutinik pisisinnaapput.
Tamannalu allannguuteqartinneqassappat aalisarneq pillugu inatsit allanngortittariaqassaaq, Lyberthillu taaamaaliortoqartariaqarsorinngilaa. Naalakkersuisup ilanngullugu aamma paasissutissiissutigaa angallatinut 6 meterit sinnerlugit angissusilinnut pisassiissutaasut suli tamakkerlugit pisarinngimmatigi
