Angallassinermut kiffartuussinissamut isumaqatigiissutit inissinneqartut
Isumaqatigiissutit utaqqimaarneqarsimasut naammassineqarput, Air Greenland, Disko Line aamma Norlandair isumaqatigiissuteqarfigineqarlutik.
- Nuannaarutigeqalugu nalunaarutigisinnaavara, isumaqatiginninniarneq pitsaasumik pilersitsiviusumillu ingerlanneqartoq maanna inerneqarmat.
- Inernera, aningaasassarititaasut atorlugit angallannermik annertunerpaamik, angallannermi sullissinerup qaffasissumik pitsaassuseqarnissaanik aammalu bilitsit akiisa, kiffartuussinissamut isumaqatigiissutinut akiliutit, pilersuinerup isumannaassusaata qaffasissup aammalu angallasseriaatsip ataqatigiissup akornanni oqimaaqatigiissitsinissamik Naalakkersuisut kissaateqarnerannut naapertuuttoq naammagisimaartorujussuuara, Ineqarnermut, Sanaartornermut Attaveqaqatigiinnermullu Naalakkersuisoq Knud Kristiansen oqarpoq.
Kiffartuussinissamut isumaqatigiissutit 1. januar 2017-imi atuutilissapput.
