Angallannermut tapiissutit peerneqarnerat kukkuneruvoq
Angallannermut tapiissutigineqartartut 100 millioner koruuniusut peerneqarnerat kukkuneruvoq. Siumukkut naalakkersuinikkut oqaaseqartittagaat Lars-Emil Johansen taamatut isumaqarpoq. Taamattumillu akissarsiaqqortunerit immikkut akileraartalernissaannik siunnersuuteqarpoq. Nunatsinni angallannikkut equngassutaasut nalimmassarneqarnissaannut akileraarutitigut immikkut isertitsissutaajumaartussat atorneqarnissaat siunnersuuteqartup kissaatigaa. Tamanna KNR-ip nittartargaani polikeri aperiut-mi naalakkersuinikkut suliaqartunut apeqquteqaateqarfimmi akissuteqarnermini saqqummiuppaa. Sapaatip akunnerani kingullermi Siumukkut naalakkersuinikkut oqaaseqartartuannut apeqquteqartoqarsinnaasimavoq, tamannalu soqutineqarlluarsimavoq. Lars-Emil Johansen-ip apeqquteqarsimasunut akissutigisai, maannakkut nittartakkami knr naggat gl titarneq uingasoq inatsiartut iluani politikeri aperiutmi atuarneqarsinnaapput. Maannali taamatut aalajangerneq Siumup Inatsisartunut ilaasortaatitaani nalilersoqqinniarparput. Nammineerlunga isumaqarpunga angallannermut tapiissutit 100 million koruuningajannik amerlassuseqartut peerneqarnerat kukkuneruvoq, Lars-Emil Johansen apeqquteqarfigneqarnerminni taamatut akissuteqarpoq nangillunilu Taamaattorli isumaqarpunga Inatsisartut isertitaqqortuunut immikkut akileraarusiinermikkut - 'pisoorsuarnut' akileraarummik taaneqartartumik eqqussinermikkut - sineriassuatsinni isorartoqisumi angallannerup aaqqiissuteqarfiginissaanut aningaasanik pissarsiniartariaqartut.
Qarasaasiakkut Nittargarput knr naggat gl titarneq uingasoq inatsartut nuisillugu Lars-Emil Johansen-ip apeqquteqarfigineqarnermini akissutigisai atuarneqarsinnaapput, ilaatigut EU, nunaqarfiit, nunatta namminersulernissaanut apeqqutit , akillu assigiikkunnaarsinneqarnerat pillugu akissutigisai atuarneqarsinaapput.
