Naalakkersuisut angallannermut politikkeqaraluarnerlutik? Taama qulequtserlugu Demokraatit Naalakkersuisunut apeqquteqaateqarput.
Demokraatit aamma allapput, Naalakkersuisut angallannikkut ilusiliarititaat annertunerusumik paasisaqarfigerusullugu paasissutissanik piniarsimallutik, ilusilersugaq Danmarks Tekniske Universitet-imut imissutigineqarsimammat, tamatumunngali tunngasunik suli tusarliussisoqarsimanngitsoq.
- Kangerlussuaq aatsaat taama annertutigisumik angallaffigineqarpoq. Nunarput angallaffiuleriartorpoq, nunalli nammineq iluani angallannikkut aaqqissuussineq malinnaasinnaanngilaq.
Naalakkersuisut tamanna qanoq iliuuseqarfiginiarpaat?
Demokraatit aperipput.
Paamiuni suluusalinnut mittarfiliorniarneq Demokraatinit tamakkiisumik paasilluarsinnaagaluarlugu, taamaattoq Qaqortoq kujataatalu sinnera qanoq pineqassanersoq aamma apeqquteqaatigaat.
- Sooruna Naalakkersuisut Qaarsuni Qaanaamilu mittarfiit ingerlatinniaannaraat uffalu iluaqutaanissaraluaminnit ajoqutaanerusut? Naalakkersuisut tamatumunnga suna tunngavigaat? Demokraatit Naalakkersuisunut ilaatigut taama aperipput.
