Angallannermut inatsit nutaaq oktobarip aallaqqaataani atuutilissaaq

Nunami maani biilillit pingasunngornermi oktobarip aallaqqaataani iterunik angallannermut inatsimmik nutaamik atuilernissartik eqqaamasariaqassavaat. Matumani pineqarput ileqqut pitsaanngitsut aqqusinermi angallannermi isumannaatsuunissamut ajoqutaasut.

Pingaarnerutillugu taasinnaavarput imigassartorsimanermut qummut killissarititaasoq 0,8 promilliusoq 0,5 promillimut appartinneqassammat.

- Malittarisassat sukannernerulersut ilaat biilertartunut biileernianullu uumitsatsitsinngitsoornavianngillat. Tassami qitequtaasat isumannaallisaatit atortinnagit biilerneq inerteqqutaalersussaammat. Biilit qitequtaasanik isumannaallisaateqanngippata biiliutillip pissarsiarinissaat isumagisariaqalissavaa, Sulisitsisut Peqatigiiffiat nittartakkamini taama allappoq.

Soorluttaaq mobilimik tigumiartakkamik oqaluutigaluni biilerneq inerteqqutaalersussaasoq.

Aqqusinikkut angallannermut inatsisip nutaap malitsigisaanik qamuteralannik ingerlatsisinnaanermut ukiut 16-iniit 18-inut qaffanneqassapput. Taamaattorli 16-inik aamma 17-inik ukiullit inuussutissarsiutigalugu piniarnermi nunalerinermiluunniit atuinissaannut immikkut akuersisoqarsinnaassaaq.

Aqqusinerni angallannermut inatsit nutaaq pillugu paasisitsiniaanissaq Rådet for Større Færdselssikkerhed nunatsinnilu politiit suleqatigiissutiginiarlugu piareersaleruttorpaat.

Inatsisissatut siunnersuut nutaaq Folketingimit aamma Inatsisartunit akuersissutigineqartussaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat