Angallanneq piaartumik aaqqeqquaat
Kujataani utoqqaat isumaqarput, angallanneq piaartumik naalakkersuisunit aaqqinneqartariaqartoq. Utoqqaat Narsami isumasioqatigiinneranni, angallanneq pillugu ullumi oqallinnermi isumasioqatigiittuni peqataasoq Marianne Vahl Qaqortumeersoq ima oqarpoq:
- Kisimiittunngornikuulluni ilaqutat kujataani ornikusukkaluarlugit angalassagaluarutta, ilaa, akissaqanngilagut. Qitornagut sinerissami siammasissumiittut ilai avannaaniittut, tamakku ornissagaluarutsigit akissaqanngilagut.Utoqqaat Paamiuniit Nanortalik tikillugu 100-t sinneqartut angallanneq pillugu Narsami ualimut isumasioqatigiikkamik, Naalakkersuisut taama sakkortutigisumik isornartorsiorpaat.
Naalakkersuisunut utoqqaat inassutigaat angallanneq piaartumik nalilersoqqeqqullugu.
Miineeraq Adolfsen angaallanneq pillugu oqallikkassi, qanoq isumaqarpit illit?
Kujataani angallannerup iluarsisariaqarnera, Kalaallit Nunaat tamavimmi taamaakkaluarpoq,kisianni una kujaterpiaa eqqarsaatigissagutsigu, ukiut tamviisa sikorsuaqartarfiuvoq pingaartumik ukioq manna. Aammalu pujoq sikorsuillu tamakkua angallavigalugit manngertisimanartorujussuuvoq, isumaluttuaannarneq angalasortatsinnut ukiuni kingullerni, ilaasartaatit amigaataanngaarmata kujaterpiaani.
Ataatsimik sammmiveqarluni angallanneq taamatut ingerlagallassooq, taavalu kommunerujussuanngoruttagooq kommunit nammineq aaqqissuussisinnaasut, utaqqissavarput tamanna?
Isumaqarpunga uanga utaqqisariaqanngitsoq, pingaartumik ataasiunerusumik pineqartariaqarpugut Kalaallit Nunaani innuttaasuusugut, angallannikkuttaaq.
Thomas Ezekiassen, illit tassa utoqqarnut siunnersortaavutit Nanortalimmi, massakkut angallanneq pillugu utoqqaat oqallipput qanoq paasisaqarfigiviuk?
Pisariaqalivissimasoq imaatigut aammalu timmisartukkut angallannerup nalilersoqqinnissaa.
Nanortalimmi utoqqarnut siunnersorti Thomas Ezekiassen kingulliulluni taama oqarpoq.
Isumasioqatigiit aamma isumaqarput ullumikkut killiffimmiit pissutsit pitsannguuteqarnatik killormut ingerlasut, tamannalu Naalakkersuinikkut akisussaasut kukkussutigigaat.
