Angallanneq oqaluuserineqarpoq

Angallannerup aaqqissuussaanissaanik naalakkersuisut inatsisartuni nassuiaataat ippassaq oqaluuserineqarmat, pingaartuni allanisut akerleriissutaangaatsiarpoq. Aammali timmisartuussinerunissaq, Nuullu Ilulissallu mittarfeqarfiisa tallilernissaat isumaqatigineqangaatsiarput.

Nassuiaat inatsisartuni tamanit tikilluaqquneqarpoq pisariaqavissutut sivisuumik utaqqineqarsimagami, tamatumali saniatigut illuatungiliuttunit Atassummit Demokraatinillu aalajangiiffigisassanik tigussaasunik siunnersuuteqannginneq naammagittaalliutigineqarpoq.

Aalajangiinissamulli tunngavissat aatsaat aappaagu saqqummiunneqartussaagunarput.

Angallannermut naalakkersuisup nalerassatut taasaasa ilaat umiarsuarnik aasaanerani angallannermut tapiissutit peernissaat tamuaneqassaaq, Napaattoormi isumaqarpoq angallanneq timmisartuussinerinnangajakkut pisalissasoq.

Isuma taanna Siumup, IA-p demokraatillu taperserpaat, Atassulli isumaqarluni tamanna inooqatigiinnut iluaqutaanavianngitsoq.

Partiit tamarmik Nuup Ilulissallu mittarfii talleqquaat, Nuummulli atatillugu mittarfiup qanoq atornissaa pinerunagu angissusissaa isumaqatigiinngissutaavoq.

Takissutsit 1199, 1799 imaluunniit 3000 meteri isumaqatigiinngissutaapput, taanna kingulleq soorunami Nuup kujataani inissitassatut eqqarsaataavoq. Taannalu kingulleq piviusunngussappat timmisartorsuarnit mittarfeqaleriataassaagut marlunnik, inimili kikkut tamarmik isumaqatigiissutigisinnaavaat taama takissusilik ataasiinnaq pisariaqartikkipput.

Demokraatit Kangerlussuaq pigiinnarumavaat, Nuup kujataani mittarfiliornissaq akisugalugu.

Nuulli kujataaniittoq siunissaq ungasinnerusoq isigalugu pilerinarneruvoq IA, Siumut Atassullu isumaqarput, taamaattumik imaassinnaavoq Jens Napaattooq tapersersorluarneqarsinnaavoq isumaqaruni aningaasanik nassaarniartariaqartoq periarfissap taassuma misissorluarnerunissaanut.

Tamatumani 24 mill. kronet missaat pisariaqartinneqassapput, mittarfiulli sananissaa 2. milliarder koruunet missaannik naleqassalluni.

Inatsisartuni tusarnaartut oqaluuserisamut atuumassuteqartut amerlaqaat, taakkunanngalu Air Greenlandip direktøria, Flemming Knudsen, oqarpoq oqallinneq iluarisimaarlugu akikinnerusumik timmissartortalernissamut aqqutissiuilluarsinnaammat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat