Angallanneq oqallisigineqassaaq

Ullumi nalunaaqutaq arfinernut qiteqquppat, inatsisartunut qinersinissamut atatillugu Kalaallit Nunaata Radioa kalaallisut danskisullu toqqaannartumik aallakaatitsissaaq.

Nunatsinni angallannerup aaqqissuussaanera ullumi sammineqassaaq.

Aallakaatitsinerup ingerlanerani nunatsinni angallannermut aaqqissuussinerup allanngortinniarneqarneranut isumaqataasut isumaqataanngitsullu peqataassapput.

Aningaasaqarneq pillugu ilisimatooq Gorm Winther timmissartuinnarmik angallassisalernissaq akerlerilluinnarpaa. Illua’tungaani angallannermut naalakkersuisuusimasup Steffen Ulrich-Lyngep allanngortiterinissaq iluaraa.

- Pipallataavallaartumilli aalajangiisoqarsimasoraara, Steffen Ulrich-Lynge naqissusiivoq, nangillunilu: Pissutsinut nutaanut ikaarsaarnissamut Arctic Umiaq Line sivisunerusumik periarfissinneqarsimasariaqaraluarpoq, angallannermut naalakkersuisuusimasoq Steffen Ulrich-Lynge oqarpoq.

Inatsisartunut qinersineq 2005 nalunaaqutaq tallimanut danskisut aallakaatinneqassaaq, arfinernullu qiteqquppat kalaallisut aallakaatinneqqassalluni.