Toqqorsivimmit assi

Angalatitsisartut mittarfinnut pilersaarut utaqqisimagaat

Nunatsinni takinerusunik mittarfittaarnissaq nunani allani soqutiginnilersitsisoq, Visit Greenlandip pisortaanera Julie Pars oqarpoq.

Mittarfinnut pilersaarutit akuersissutigineqarmata takornariartitsinermi siunnersuisoqatigiit nutaanik oqaloqatissaqalernerannik kinguneqarpoq.

Mittarfinnut pilersaarutit akuerineqarnerisakingorna Visit Greenlandip pisortaanerata, Julia Parsip nutaanik oqaloqatissaqalernerannik kinguneqarpoq.

Mittarfiit allilerneqarnissaannut tusakkat maani nunatsinni nunarsuarmilu tamalaanit angallatsitsivinnut soqutiginnilersitsisut, Julia Parsip oqaatigaa.

AAMMA ATUARUK Mittarfinnut pilersaarut pillugu ilisimasaqarnerulerit

- Angalalluta nunarput nittarsaakkiartoraangatsigu mittarfiit ilaat allilerneqartussaagunartut soorunami oqaatigisarparput. Tamannalu soqutiginnilersitsisimavoq amerlasuullu taakkua qaqugu ammarnissaanut pissangallutik utaqqivaat, Julia Pars oqarpoq.

Nunatsinni akunnittarfinni unnuisartut

2017:  262.427
2016:  240.631
2015:   218.527
2014:  209.560
 

Nunani allamiut nunatsinnut timmisartunut ilaasartut

2017:  83.487
2016:  80.806
2015:  75.320
2014:  69.580


Tusarfiit: Stat.gl

Niuerfissat nutaat ammartut

Visit Greenlandip pisortaata mittarfiit akuerineqarnerannik kikkut soqutiginninnerminik takutitsereersimanersoq ilisimatitsissutiginerusunngilaa.

Norskilli suliffeqarfiutaat, Hurtigruten Nuummi Ilulissanilu akunnittarfiliornissamut piareersimalluni qanittukkut nalunaarutigaa. Nuummi akunnittarfiup Hotel Hans Egedep akunnittarfiup allilerneqarnissaa aamma pilersaarutigaat.

Visit Greenlandip nunani allani pingaartumik takornariat misigisassarsiorusuttut suminngaanneerfiginerusaanni tassa Skandinaviami, Tysklandimi, Frankrigimi, Tuluit Nunaanni USA-milu nittarsaassinini annertusiniarpaa.

AAMMA ATUARUK Umiarsuaatileqatigiiffik Nuummi Ilulissanilu akunnittarfiliorusuttoq

Visit Greenlandip Nuummi Ilulissanilu nunanut allanut timmisartuussisarfeqalernissaanut USA-mit Canadamiilu takornarianik tikerartoqalissaqisoq naatsorsuutigaa, timmisartummi allamut ingerlaqqaaratik ingerlaartarnissaat taamaallaat akunnernik marlunnik affarmillu sivisussuseqassapput.

- Amerikap avannarpasissuaniit angalanerup sivikinnerulernissaa nunatsinnullu takornariarusuttunut soqutiginarnerulernissaa qularnanngilaq, Julia Pars Helle Nørrelund Sørenenimut oqarpoq.

Visit Greenlandip takornarialerisullu kommunit takornarianut nittarsaassinerulernissaat arlalitsigut kaammattuutigaat.

AAMMA ATUARUK Siunissami takorniarialerisarnissaq sukumiisumik piareersarneqarli

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat