Angalasut ikinnerulernissaat Air Greenlandip ilimagaa
Nunarsuarmi aningaasaqarnikkut ajornartorsiorneq pissutigalugu timmisartortitseqatigiiffiup Air Greenlandip marloriaammik eqqorneqarnissani naatsorsuutigaa.
Allattoq Lotte Holm
Aatsitassanik misissuinerit takornariallu ikinnerusut Kalaallit Nunaannut angalanissaat timmisartortitseqatigiiffimmit siulittuutigineqarmat.
Air Greenlandip nunarsuarmi aningaaqarnikkut ajornartorsiornerup kinguneranik qanoq annertutigisumik eqqorneqarnissani suli nalilersorsinnaanngilaa, isumaqatiginniarnerit februaarip marsillu qaammataani inissinneqartussaammata.
Danskit inuussutissarsiutinik ingerlataqartut Kalaallit Nunaannukartartut ikileriarsimanerat angalatitsiseqatigiiffiit malugaat, Elin Bonde angalatitseqatigiiffimmi Vejle Rejserini sulisoq oqarpoq.