Angalasoq Nanortallip pigisaani ujaarineqarpoq
Louis Elisasen uterluni tikinngimmat politiit pingasunngornermi ullaakkut ujaasilerput namminerlu piumassutsimik ujarleqataasut arlaqarput.
Louis Elisasenip umiatsiaraa Q17 qaqortoq Tasermiuni nassaarineqarpoq inuttaqanngitsoq
Politiit angallataat Sisak III aamma sinerissami nakkutiliisut umiarsuaat Hvidbjørnen qulimiguullillu ujaasinermi peqataapput, ujaarineqartorli nassaarineqanngilaq.
Louis Elisasen 64-nik ukioqarpoq tuattuunanilu nerinnattuunani 155-160 centimeterisut angitigaluni atisaraalu atallaaq puttasinnaasoq tungujortumik qasersumillu qalipaatilik. Qernertumik nasaqarpoq gummersuillu aappaluartunik qernertunillu qalipaatillit atorlugit.
Kujataani politiit kikkunnut tamanut kaammattuutigaat Louis Elisasenip sumiinneranik ilisimannittut imaluunniit ujaasinermi iluaqutaasinnaasunik paasissutissaatillit politiinut saaffiginneqqullugit.
Aamma Nanortallip Tasermiullu akornanni angalasut alaatsinaaqqissaaqquneqarput pasinarsinnaasunillu takusaqarunik angallatit radioat VHF atorlugu politiit angallataannut Sisak III-mut attaveqaqqullugit.
Nanortalimmi politiit oqarasuaatasa normoraat 701123.