Angalaarnissaq imaannaanngitsoq
Sulitillutit ajoqusersimaguit sullissiveqarfimmit ikiorserneqarsinnaassaatit, periarfissarlu una sineriammi angalaarnerup nalaani paasititsiniutigineqartassallunittaaq. Aamma inatsisilerituunik IKIU-meersunik akeqanngitsumik siunnersorneqarsinnaassaatit, pinerluuttaalititsinermulli tunngasunik, suliffeqarfinnut tunngasunik kiisalu akiitsunik iluarsaassiniarnermut atorneqarsinnaassanatik.
Siunnersuisartunik ataatsimiititalianillu aqutsisoqarfik sinnerlugu Naammagittaalliuteqartarfimmiut – tassa Ankecenterermiut – kiisalu atuisartus siunnersuisoqatigiivineersumik saaffiginninnissaq periarfissaassaaq, matumanilu soorlu pisorntat inissiaataanik attartorsimasut, pisiarisimasat, kiisalu ikiorsiissutinut tunngassutillit pillugit siunnersorneqarsinnaassallutit. Aamma inuit namminersorlutik suliffiuteqartut pisiarisimasatik, imaluunniit sullinneqarsimanertik pillugu apeqqutissaqarunik siunnersorneqarsinnaassapput, siulianilu eqqaarikkatsinnut tunngasunik atorfissaqartitsilersimagaanni taakkununngarpiaq maleruagassat aamma paasititsiniutigineqartassallutik.
Sukumiinerusumik paasisaqarusukkuit: www.atuisoq.gl www.saa.gl www.cfa.gl aamma www.ikiu.gl iserfigiinnarsinnaavatit.
Aamma angalaqatigiit misigisaat pillugit, qaqugulu illit illoqarfinnut nunaqarfinnulluunniit tikissanersut aamma taakkunani paasiniarsinnaavatit
