Angajoqqaat meeqqatik tillinniartikkaat
Sisimiuni politiit illoqarfimmi iffiorfiit ilaannut tillinniartoqarmat sapaammi kalerrinneqarput. Meeqqat pingasut tassani siumorneqarput uisaallannartumillu taakku nassuiaapput.
- Niviarsiaqqap ataatsip angajoqqaavisa panitsik iffiorfiliartissimavaat iffianik pisoqqanik angerlaassequllugu nerisassaateqannginnamik. Suliaq inunnik isumaginnittoqarfimmut ingerlateqqinneqarpoq, Qeqqani politiini politikommisær Johan Davidsen nalunaarpoq.
Aamma nukappiaqqat akuupput Maniitsumi politiit suliarisaanni. Nukappiaqqat 14-nik ukiullit marluk gassimik naammaartut naammattoorneqarsimapput. Politiit takkummata suli gassimik ikiaroorsimapput gassilu 10 kilo nassarlugu. Nakorsaq pigaartuusoq aggersarneqartariaqarsimavoq.