Meeqqat atuarfiat Angajoqqaat meeqqaminnik tapersuinissaannut ikiorneqassasut

Atuartut atuarfimmi peqataanissaat qulakkeerniarlugu angajoqqaat meeqqamik atuarnerannut akuunerulersinneqartariaqarput. Tamannalu ilaatigut isumaqatigiissusiornikkut pissasoq, Demokraatit isumaqarput. Isumassarsiarli taanna meeqqat atuarfiat pillugu immikkut sammisaqarluni ataasinngormat oqallitsitsisoqarmat assigiinngitsunik isumaqarfigineqarpoq.

Meeqqat atuarfiat pillugu oqallinneq tamaat allaaserisap ataatungaani isiginnaarsinnaavat.

Angajoqqaammi atuarfimmi akuunerulersinneqarnissaannut qanoq iliortoqarnissaat partiit assigiinngitsunik siunnersuutissaqarfigaat.

Meerarpassuit ilaqutariinnit nukissakinnerusuneersut atuarfik pillugu kajumilersikkuminaapput, angajoqqaallu ikiortissamik aallerfigineqarsinnaarpianngillat, tamannalu ajornartorsiutaasut ilagigaat, ilinniartitsisumit oqaatigineqarpoq.
 
Taamaammat angajoqqaat, atuarfik atuartullu atuarfiup suleqatigiissutiginissaanik pittuisumik isumaqatigiissusiortalissapput, Demokraatit taama isumaqarput.
 
- Atuartut atuarnissamut kajumilersinnissaat siuarsarniarlugu, Anna Wangenheim, meeqqat atuarfiat immikkut sammillugu ataasinngormat oqallitsitsisoqarmat taama oqarpoq.

AAMMA ATUARUK Uuttortaasarnissamik piumasaqaatit pingaartut peerneqarsimasut

Tamannali Partii Naleqqameersup Pele Brobergip isumaqatiginngilaa, isumaqarami isumaqatigiissuteqartarnerit suliffissuarni atugassaasut.

- Inuit atualernissaannik piumasaqaateqarfiusumik inatsiseqareerpoq, isumaqatigiissuteqarfiginissaat pisariaqartussaanngilaq, taama oqarpoq.
 
Taaarsiullugu ilinniartitsisut misilittagaat atorlugit angajoqqaat akuunerulersinneqartariaqarsorai.
 
- Sinerissami ilinniartitsisorpassuaqarpoq qanoq ingerlatsilluartoqarsinnaaneranik ilisimasaqartunik Pele Broberg oqarpoq.

Anna Wangenheimilli suliffissuarni isumaqatigiissutit pineqannginnerarpai imalu itisiliilluni:

AAMMA ATUARUK Aaqqissuusseqqinnikkut aaqqiissutissat kinguarsarneqarput

- Atassusiisussamik isumaqatigiissusiornikkut meeqqap qitiutinneqarnissaa tusaaneqarnissaalu qulakkeerneqassaaq. Illit meeqqatut suna pisariaqartippiuk. Tamaannaavorlu tamatumani tunngavigineqartussaq, Anna Wangenheim oqarpoq.

Isumaqatigiissuteqartarnissamik siunnersuutip saniatigut angajoqqaat ilinniartinneqartarnissaannut siunnersuutit arlallit saqqummiunneqarput. Inuit Ataqatigiinneersup Sofia Geislerip siunnersuutaa siulliutissavarput:

- 'Inuunerup atuarfiatut' ittumik eqqussisoqassaaq, angajoqqaallu angajoqqaajulluarnerulernissamut ilinniartinneqartassapput, Atassummeersoq Hanseeraq Jonathansen assingusumik siunnersuuteqarpoq.

AAMMA ATUARUK Partiernes præsentationsprogrammer i tv

- Ilaqutariinnut klassinik aaqqissuussinermik taaneqartartoq atorsinnaavarput, angajoqqaat meeqqatik atuaqatigisarlugit, Atassummeersoq oqarpoq.
 
Nunatta Qitornaaneersup Anders Benjaminsenip atuarfiup angajoqqaallu suleqatigiinnerisa nukittorsarnissaanut ilaatigut inunnik isumaginninnermi siunnersortit peqataaffigisaannik eqimattakkuutaarluni oqaloqatigiittarfiit atorneqarnissaat siunnersuutigaa.

- Ajornartorsiutaasut angajoqqaanit, ilinniartitsisunit allaniillu taakkunani oqaloqatigiissutigineqartassapput.]]
 
Suleqatigiissitsisuneersup Tillie Martinussenip siusinnerungaatsiartukkut iliuuseqartarnissaq aaqqiissutaasinnaasutut tikkuarpaa.

AAMMA ATUARUK Sulerusussuseq iliuuseqarfigineqartariaqarpoq

- Ilaqutariit meerartallit ajornartorsiorfiusut aallaqqaataaniillu nassaariniarnissaat Peqqinnissarfiup peqataaffigissavaa, Tillie Martinussen oqarpoq. ]]
 
Siumumeersoq Doris Jakobsen Jensen isumaqarpoq angerlarsimaffimmi aalajangersimanerusunik sinaakkusersiusussamik paasititsiniaanerit amerlanerit ingerlanneqartariaqartut, tamanna meeqqat atuarnerinut pitsaasumik sunniuteqartarmat.

Meeqqat atuarfiat pillugu oqallinneq tamakkerlugu uani isiginnaarneqarsinnaavoq:

IQ2018 Debat: Folkeskolen KNR 16.04.2018

 

Isummersuutit