Angajoqqaat ilinniartitsisut paasisinnaavaat

Kangerlussuup Atuarfiani ajornartorsiorfioqimmat ilinniartitsisut pingasut ukiortaamiit soraarniarlutik aalajangerput, allallu marluk soraarniuteqarnissaminnik eqqarsaateqarlutik.

Kangerlussuarmi atuarfiup aqutsisuini siulittaasoq Mina Zeeb Olsen oqarpoq, meeqqat ajornartorsiortut ikiorniarlugit iliuuseqartoqartariaqartoq:

- Ilinniartitsisut aallarniarlutik pilersaartut paasisinnaavakka. Oqimaattorujummik ilinniartitsisut suliaqarput, tassami ilinniartitsisuuniarlutillu tarnit pissusiinik ilisimasalittut perorsaasutullu massakkut sulimmata.

Mina Zeeb Olsen isumaqarpoq Kangerlusuarmi atuarfiup mikinera ajornartorsiuterpassuarnik pilersitsisartoq; meeqqalli atuarfimmi inissakilliunnaratik aamma angerlarsimaffimminni inissakilliortarput:

- Ukiuni kingullerni malunnartorujuuvoq meeqqat sumiginnakkat, Kangerlussuarmut tikinnikuusut. Imaattarami sulisut nutaat tikikkaangata ineerannguami ilaatigut igaffeqanngitsumiluunniit najugaqartarput, qaammallu ataaseq qaangiutiinnartoq, sulilerlaap aappaa meerartaalu tikittarlutik. Inikilliorneq eqqissiviilliortitsisarpoq, Mina Zeeb Olsen oqarpoq nangillunilu:- Sisimiut kommuneata iliuuseqarnissaa neriuutigaarput. Aamma meeqqat atuartut immikkut ikiungassat arlaliupput, tamakkualu arlaatigut aamma ikiorneqartariaqarput, ilinniarsimasunilluunniit ilinniartitsisunik ilinniartitsisulerlugit. Angajoqqaajulluni pissutsit taamaattut nuanniipput, neriuppugullu Sisimiut kommuneat iliuuseqassasoq.

Kangerlussuarmi atuarfik nutaaq januaarimiit atulertussaavoq. Mina Zeeb Olsen atuarfittaarnissaminnut isimalluaraluaqaluni isumaqarpoq meeqqat ajornartorsiutillit ikiorneqanngippata ajornartorsiutit peerunnavianngitsut:

- Atuarfittaartussaavugut, tassanilu lokalerpassuit amingaatigut tassaneereerput, neriuutigaarpullu atuarneq siumut ingerlalissasoq, kisianni toqqissiviilliortut arlaatigut ikiorneqanngippata, ilinniartitsisullu ikiorneqaratik, atuarfimmut nutaamut ajornartorsiutit nooriaannaapput.

Taama Mina Zeeb Olsen oqarpoq.

Mina Zeeb Olsen aamma oqarpoq atuarfimmi ajornartorsiutit ilinniartitsisut sulinngitsooqattaartarnerannut paarlakaajaannerujussuanullu peqqutaasoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat