Qeqqata Kommunia: Angajoqqaarsiassaaleqisoqangaatsiarpoq

Kommuneqarfik Sermersuumi angajoqqaarsiassaaleqisoqarnerani kommunemi sulisut pinartoqartillugu meeqqanik paarsaqartariaqartarput. Kommuneqarfik Sermersuumiinnaanngitsorli, aamma Qeqqata Kommuneani sulisut utaqqiisaasumik angajoqqaarsianngortariaqartarput.

Maniitsumi meeqqat angajoqqaarsiassaaleqissunneqarput. Aqqanilinnik akuerisaasunik angajoqqaarsiaqarpoq. Piareersimasuuteqannginnerli ajornartorsiutaasoq, Qeqqata Kommuniani, Maniitsumi ilaqutariinnermut pisortaq, Bertha Dalager oqarpoq.

- Piareersimasuuteqartuugaluarutta qulinik iluaqutaarsuaassagaluarpoq. 

Angajoqqaarsiat piareersimasut - pingaartumik nalliuttut akornanni amigaataapput. Pinartoqartillugu angajoqqaarsiaareersut meeqqanik tiguseqqikkallarsinnaanerinik aperineqartarput. Angajoqqaarsiaasartulli ilaquttaminnik nalliuttut akornanni tikeraartoqartillutik meeqqanik tiguseqqissinnaaneq ajorput. 

-  Qaammat kingulleq nalaapparput sulisugut atortariaqarlugit unnuisarfimmi unnueqatigisariaqarlugit meeqqat inissittariaqartut, Bertha Dalager taama oqarpoq.

AAMMA ATUARUK Inunnik isumaginnittut angajoqqaarsiaasariaqartut

Sisimiuni meeqqat aamma angajoqqaarsiassaaleqissunneqarput. Angajoqqaarsiat pioreersut quliupput, taakkulu paarsarisinnaasamik saniatigut paarsaqartut, Qeqqata Kommuniani, Sisimiuni ilaqutariinnermut pisotaq, Kirsten Bødkerip oqaatigaa. 

- Naalungiarsunnut, inuusuttuaqqanut immikkullu pisariaqartitsisunut  angajoqqaarsianik massakkorpiaq amigaateqarpugut.

Maniitsumi angajoqqaarsianngorusullutik nalunaarsimasut marluupput. Sisimiuni angajoqqaarsianngorusullutik nalunaarsimasut pingasuullutik. Akuersissummik tunniussisoqartinnagu arlariinnik piumasaqaatitaqarpoq. Paasissutissat peqqissutsimut tunngasut  nakorsamit pissarsiariniartarnerisa piffissamik sivisuumik utaqqineqartarneri kinguarsaataasarpoq.  

Sisimiuni aamma ajornartorsiorput

- Peqqissutsimut tunngasut paasissutissat pissarsiariniarneri sivisoorujussuusinnaasarpoq. Qaammatit marluk pingasut arlaleriaqaluta nukingisaarusiortarpugut, utaqqisariaqartarlutalu. Taamaattumik peqqissutsimut tunngasunik paasissutissanik noqqaasarneq ilungersunartorujussuuvoq, Kirsten Bødker oqarpoq. 

Angajoqqaarsiassaaleqineq iliuseqarfiginiarlugu kommunit allat ikioqatiserineqartartut, Bertha Dalager aamma oqaluttuarpoq. Tamannali iluatsingaarneq ajorpoq. 
- Kommuniniik allanit meeqqanik pingasunik maani inissiisoqarnikuuvoq. Taava uagut aamma aperisarnikuugaluarpugut kommuninut allanut imaluunniit uagut aperineqarluta piareersimasuuteqarnerluta inissiivissaarullutik. Taamaasilluta ikioqatigiiniartaraluarpugut kisianni tamatta ulikkaaqqagatta, ikioqatigiiniarneq taanna ajornakusoortarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat