Angajoqqaanngorlaanut filmertarfik

Tamanna Sisimiuni Kulturip Illorsuata Taserallup iliuuseqarfigalugu angajoqaanngorlaanut neqerooruteqarpoq. Tassami angajoqqaanngorlaat Baby Biomik taaneqartumut filmeriarsinnaanngorput

- Angajoqqaanngorlaat, pingaartumik anaanat milutsitsisut arlallit ullaap-tungaatigut Taseralimmiittorisarpavut, taakkulu oqaloqatigisarnerisigut paasisimavarput Taseralimmi filmertarfiup neqeroorutaasa annertusineqarnissaat pitsaalluinnassasoq, anaananngorlaanut naleqqussakkanik, aaqqissuussisarnermi pisortaq Arnajaraq Støvlbæk Atuagalliutinut oqarpoq.

Taassuma oqaatigaa Baby Bio misiliinerusoq, iluatsissappalli ukiup sinnerani ingerlanniarneqartoq.

- Allat aamma tikilluaqquneqarput, ilisimasariaqarporli filmernerup nalaani akornusersuisoqarsinnaammat, atugassarititaasullu immikkut ittuummata, Arnajaraq Støvlbæk erseqqissaavoq.