Anemarie Schmidt Hansen Demokraatinut ilaasortaajunnaarpoq
Demokraatit sinnerlugit qinigaasup Lene Knüppelip Inatsisartuniit tunuarneratigut, Anemarie Schmidt Hansen inatsisartunut ilaasortanngorpoq.
Demokraatini ilaasortaajunnaartup erseqqissarpaa, politikikkut isummani aalajangiusimallugit, tassalu qineqqusaarutigisimasani Inatsisartuni suli sorsuutiginiarlugit.
- Kisianni Demokratit gruppianni oqallinnerit danskisuinnaq ingerlanneqartarput, naallu qallunaaluanngikkaluarlunga isumaqarpunga, apeqqutini pingaarutilinni oqallittoqartillugu kalaallisut oqalullunga isummakka annissinnaanerullugit, Anemarie Schmidt Hansen Radioavisimut oqarpoq.
Anemarie Schmidt Hansenip ilanngullugu oqaatigaa, Inatsisartuni illuatungiliuttut partiivisa arlaannut, Inuit Ataqatigiinnut, teknikkikkut suleqateqarnissamik isumaqatigiissuteqareerluni.