Ane Uummannamiit Ruslandiliarpoq arsaattunik isiginnaariarluni

Mannalu Ruslandiliassaagut. Arnaq inuusuttoq Uummannamiit Ruslandimut VM-ertoqarnerani kisimiilluni isiginnaariarpoq. Taanna illoqarfimmi Sochimiippoq, ullumilu Spania Portugalilu unammilerpata isiginnaaqataassaaq.

Ane Andersen Spania Portugalilu ullumi unammilerpata isiginnaaqataassaaq. Tupinnanngitsumillu qilanaarpoq. 

-  Arsaattuni isiginnaariarnissannut pissangiginerpaavara aatsaat siullerpaamik arsaattarfissuarmi isiginnaariartussaagama, taava inuit qilanaarivakka ikattorujuit takunissaat, taavalu arsaaffissuarmut isernissaq arsartuisalu takunissai.

Ane Andersen Ruslandimi VM-eqarnerani isiginnaariarniarluni ukioq kingulleq decemberimi aalajangerpoq. 
Ippassigamilu kiisami Sochimut apuuppoq. 

-  Siullermik tikeqqaarama 'Krasnodarimut' inuit inussiarniilaartorujuugamik, mittarfimmi sulisut saaffigiuminaallutik. Mittarfimmi sulisut tamarmik tuluttut oqalussinnaanatik saaffigisakka. taava kisianni Sochimut tikikkama inuit inussiarnertupilussuit hotelimi sulisut aamma inussiarnertorujuit aamma tuluttut oqalussinnaanatik google oversæt atorlugu oqaluutariaqartarlugit nutsertillugit.

VM-ertoqarnerani Ruslandimi illoqarfiit aqqanillit unammiffiussapput. Anellu tikitaa kiaqaaq.

- Massakkut Sochimi 29 grade-ugami taa inuppassuit strandimiittut takuakka taavalu arsaaffissuaq isiginnaariarfissara alakkarlugu pisuttuarujoorlunga.

VM-imut peqataaniaraani piareersagassat arlaqarput.  

- Decemberimili FIFA-mut immersuigama billetsisiniarlunga, taava allattoqqissaartariaqarlugit inuup nummui passillu nummui uannut paasissutissat tunngassut, taava billetsisereeriarama fan ID-imik aamma qinuninikuuvunga.

Spania Portugalilu ulluni unamminissaannut pissanngavoq. Illersugaqarpormi.

- Portugalilu Spanialu isiginnaariarusullugit aalajangernikuuvunga Spaniamiikkamik Real Madridikkunniittut ilai, taavalu Ronaldo Portugalimiilluni. Taakkua takorusunnerugakkit aalajangerpunga isiginnaariarusullugit.

- Portugalikkut illersussuakka aqangu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat