Arctic Circle Assembly Ane Lone Bagger perngaammik nunamut allamut suliartortoq
Nunat 50-it sinnerlugit ataatsimeersuarnermi peqataatitaqarput, 2000-init amerlanerusut ataatsimeersuaqataassallutik.
Ministerit, immikkut ilisimasallit, suliffeqarfiit aqutsisui, atorfilittat nuimasut, nunallu inoqqaavisa avatangiisillu pillugit suliniaqatigiiffiit ataatsimeersuarnermi peqataasunut ilaapput.
USA-p, Ruslandip, Kinap, Japanip, Koreap Canadallu, nunallu allat Issittoq pillugu politikkii, silap pissusiata allanngoriartornerata sunniutai, ilisimatuussutsikkut suliniutit, Issittumilu pisuussutit atorneqarnerat, ataatsimeersuarnermi qulequtarineqassapput.
EU Arctic Circlep ataatsimeersuarnerani siullerpaamik peqataatitaqassaaq, Nunanullu Allanut naalakkersuisoq Ane Lone Bagger, Nunarput sinnerlugu naalakkersuisunngorlaatut peqataassalluni.
Kuupik V. Kleist, Aleqa Hammond, Aaja Chemnitz Larsenilu aamma peqataassapput, soorlu aamma Air Greenlandip pisortanera Jacob Nitter Sørensen, atorfilittallu assigiinngitsut nunatsinnit peqataassasut.
Arctic ukiumoortumik 2013-imili ataatsimeersuartalerpoq.