Ane Hansen: Pisassanik agguaassineq pitsanngorsarneqarsinnaavoq

Aalajangersimasumik aalisarnermut politikkeqalernissamik, Inuit Ataqatigiit sinnerlugit inatsisartuni ilaasortap, Ane Hansenip, naalakkersuisut piumasaqarfigai.

- Nunatta pisuussutaasa pingaarnersaat pilersaarusiugaanerusumik iluaqutigineqarnissaa siunertaavoq, Ane Hansen, Inatsisartut aalisarnermut piniarnermullu ataatsimiititaliaanni siulittaasuusoq oqarpoq:

- Ukiumi tullermi pisassat aalajangersorneqartariaqarput, sumilu tulaassorneqarnissaat pilersaarusiorneqartariaqarluni. Taamaalinikkut suliffissaqartitsiniarneq ilorraap tungaanut sangutinneqarsinnaagaluarluni, Ane Hansen oqarpoq.

Baffinip imartaani immikkut qaleralittassat 2500 tonsit siorna oktobarimili tunniunneqartut, ukiup manna aallartinnerani agguaanneqarsimasinnaagaluartut, sumilu tulaassorneqarnissaat aamma pilersaarutigineqarsimasinnaagaluartoq Ane Hansenip oqaatigaa.

Juulip qaammataanit aallartittussamik saattuarniarnermik matoqqatitsinissaq, Ane Hansenip kukkusumik tunngaveqarnerarpaa, oqarluni sumiiffikkaarlugit matoqqatinneqarsinnaanissaat pitsaanerussasoq.

Aalisarnermut siunnersuisoqatigiit inuttalersorneqarnera aamma apeqquserneqarpoq, oqartoqarmat soqutigisaqaqatigiit amerlavallaartut, taamaattoqarneratigut pisassat assortuutigissutigineqalersarmata.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat