Ane Hansen Inatsisartuuinnarallassaaq
Ane Hansenip, Qasuitsoq kujallermi ikaarsaariarnermut ataatsimiititaliami siulittaasussatut amerlanerussuteqartunit taperserneqartup, borgmesterinngussaguni Inatsisartunit tunuarnissani siusinnerusukkut suaarutigivaa. Taamaaliornissanilu suli aalajangiusimavaa.
AAMMA ATUARUK Marlunnik qinigaaffillit Inatsisartut unittoortissinnaagaat
- Inatsisartut upernaakkut ataatsimiinnerat naallugu peqataassaanga ukiullu naanerani tunuassallunga, ikaarsaariarnermut ataatsimiititaliami siulittaasoq KNR-imut oqarpoq.
Suliat torersumik qimannisai kissatigalugu Ane Hansen nassuiaavoq. Aningaasaqarnermut ataatsimiititaliamit tunuareersimavoq, ataatsimiititaliallu sinnerinit piffissap ingerlanerani ilaasortaajunnaassalluni.
Marlunnik qinigaaffeqarnissaq Inuit Ataqatigiinnit akuersaarneqanngitsoq partiip oqariartuutigivaa, tamannalu Ane Hansenip malinniarpaa.
Taamaattorli ikaarsaariarnermut siulittaasut borgmesteritut akissarsiaqartinneqarput, borgmesteritummi akisussaaffeqarlutillu pisussaaffeqaramik.
Ane Hansenip ikaarsaariarnermut ataatsimiititaliami siulittaasunngornera pisortatigoortumik maajip aallaqqaataani nalunaarutigineqassaaq, ukiumilu nutaami borgmesterinngussalluni.
