Ane Hansen: Aalisarnermut politikkeqalertariaqarpoq

Inatsisartut aalisarnermut ataatsimiititaliaata siulittaasuata, Ane Hansenip, naalakkersuisut piumasaqarfigai aalisarnermut aalajangersimasumik politikkeqaleqqullugit. Tusagassiorfinnut nalunaarummini Ane Hansen ilaatigut allappoq, pisassanik agguaasseriaaseq ilusilersorneqartariaqartoq, aalisartunut inuiaqatigiinnullu iluaqutaanerpanngorlugu.

Ane Hansenip, Inuit Ataqatigiit sinnerlugit qinigaasup, naalakkersuisooqatigiit nammineq partiimini ilaasortanik ilaqartut, avoqqaaringaatsiarpai, aallaqqaasiinermini ilaatigut allakkami, issuaaneq aallartippoq: ”Nunatsinni inuussutissarsiutit pingaarnersaata tunaartaqanngitsumik ullormiit ullormut aalajangiivigineqartarnera tamaanga killittariaqarpoq”, issuaaneq naavoq.

Ane Hansen inatsisartut aalisarnermut ataatsimiititaliaani siulittaasuuvoq, inatsisartullu nittartagaanni allassimavoq, ataatsimiititaliap ilaatigut suliassarigai makku:

Aalisarnermut-, Piniarnermut- Nunalerinermullu Ataatsimiititaliaq, ilaatigut Naalakkersuisunut apeqquteqartarnermigut, suliassaqarfimmi iluani ingerlatsinermik malittarinninnissamut pisus¬saavoq, aamma Naalakkersuisut inatsisitigut killissaritaasut iluanni ingerlatsinikkulluunniit ileqqorissaarnermut tunngatillugu killigititat iluanni ingerlatsinissaat nakkutigissallugu.