Ane Hansen: Aalisakkat maani suliareqqinneqartassapput
Taamaalillutimmi tunisassiat naleqarnerulernermikkut inuiaqatigiinnut iluaqutaanerulissammata.
Ilanngulluguli oqaatigalugu, tunisassiorfiit ingerlatsinerat aamma aalisakkat qanoq suliarineqarsimanissaannut tunngasunik Naalakkersuisunit akuliuffigineqarneq ajortut.
- Tunisassiorfiit ulluinnarni tunisassiornerminni qanoq suleriaaseqassanersut qanorlu pingaarnersiuissanersut Naalakkersuisunit naalakkiutigisinnaanngilarput. Taamatut tunisassiornermi imminut akilersinnaassusilimmik aningaasaqarnikkullu pitsaasumik ineriartortoqassappat, taava suliffeqarfiit namminneerlutik tunisassioriaasertik nalequssartariaqarpaat, Ane Hansen Siumumeersumut Kristian Jeremiassenimut akissuteqarluni taama erseqqissaavoq.
Aalisarnermut tunngasunik qaleralinnillu tunisisarneq pillugit Kristian Jeremiassen arlalinnik apeqquteqaateqarpoq, matumani ilaatigut aallaavigineqarluni 2009-mi qalerallit suliareqqinneqanngitsut 15.000 tonsit avammut tuninineqarsimanerat.
Ane Hansenip akissummini aamma taavaa qalerialinniarnermi qaammatit pingasukkuutaarlugit pisassiisalernikkut ilaatigut pisassiissutinik qaangiisarneq pinaveersimatinniarneqartoq tamatumalu peqatigisaanik aalisarnerup ukioq kaajallallugu siammartinneqarnissaa anguniagaasoq.
