Anders Olsen IA-mit Siumumut nuuppoq
Inatsisartuni ilaasortap Anders Olsen-ip Inuit Ataqatigiit qimallugit manna Siumut partiimut ilaasortanngorpoq, ukua tunngavilersuutigalugit:
- Naalakkersuisooqatigiinnit maanna politikki pingaarnersiuinerlu ingerlanneqartoq peqataaffigisinnaannginnakku.
Tunngavilersuutimilu aappaattut taavaa:
- Inuiaqatigiit inuuniarneranni oqinnerulersitsinissaq siunertaralugu suliumagama maannalu aningaasatigut inatsisitigut inuiaqatigiinnik artukkiigaluttuinnarneq akuersaarsinnaannginnakku.
Pingajuattullu:
- Nuna ataasiuvoq nunalu ataatsimut isigalugu arlaannaalluunniit pingaarnerutinnagu ingerlatsinissaq pingaartikkakku. Taama Anders Olsen nammineq aamma Siumup siulittaasua Aleqa Hammond nalunaarput.
Inatsisartuni ilaasortaq alla Finn Karlsen, Atassummiit Siumumut qaammat kingulleq nuuppoq.
Siusinnerusukkut aamma Akitsinnguaq Olsen Inuit Ataqatigiinniit Siumumut nuuppoq kiisaklu Per Berthelsen Demokraatininngaanniit Siumumut aamma nuunnikuulluni.