Assi: Inuit Ataqatigiit

Inuit Ataqatigiit: Anders Jensen

Ateq: Anders Jensen

Ukiut: 27-t

Partii: Inuit Ataqatigiit.

Ilinniagaq/suliffik:
Niuernermik Ilinniarfik (TNI Butik), atorfik inulerineq (privatbørnehjemmet)
Inuttut inissisimaneq (ilaquttat/qitornat):
Kisimiittuuvunga meeraqanngilanga, qatannguteqarpunga ataaseq najaga, anaanaga sisimiormioq ataatagalu qeqertarsuamioq.
Sunngiffimmi soqutigisat:
Sunngiffinni annertunerpaamik sammisaraara timersorneq, nerrivimmi arsaarartarpunga ukiuni 14-ini massakkullu nammineq klub-eqarpunga maani nuummi unammisartuujutigalunga sungiusaasuullunga.
 

Folketingimut qinigaassaguit pingaarnertut sulissutigerusutatit pingasut suuppa?

1. Erfalasorput nammineq atorlugu timersornermi sutigut tamatigut unammiarnermi periarfissap ammaanneqarnissaa pimoorullugu sulissutigissavara, taamaasilluta nunarsuarmioqatitta nunatsinnut ilisimannittut suli amerlanerulissammata assigiinngitsutigullu iluaqutissartaqarluni nunarput namminiilivinnissaminut piareernissamut.

2. Peqqinnissaqarfimmi sulisut nikeranngitsut nunarput tamakkerlugu nakorsaqarnikkut pimoorunneqarnerusariaqarpoq naalagaaffeqatitsinnik, sulimi takorloorsinnaanngilara qanittukkunni namminiilivissasugut namminerlu nunaqavissunik ilinniakkaminnik naammassinikunik peqanngilagut.

3. Ulloq unnuarlu meeqqat inuusuttullu angerlarsimaffissaannik suli arlalinnik peqareeraluarluta suli amigaateqarpugut, periarfissaqarnerusariaqarpoq sulerusuttut tapersersorneqarnerunissaat.

 

Kalaallit Danmarkimi najugaqartut pitsaasumik inuuneqarnissaat qanoq ilillutit qulakkeerinneqataaffigisinnaaviuk?

Kalaallit Nunaanniit kalaalimernit qallunaat nunaannut eqqunneqarnissaanut periarfissat oqinnerulertariaqarput. Kalaallimmi qallunaat nunaanni najugaqartut massakkut periarfissagissaartinneqarnerusariaqarput kalaaliminernik pissarsinissaminnik.
 

Folketingimut qinigaassaguit statministerissatut sassartoq sorleq tapersersussaviuk?

Nunatsinnut iluaqutaanermik iliuseqarniartoq tapersersussavarput, partiinulli ataasiakkaanut pituttorsimanata.Taamaammat kina ministeriuninngussanersoq maanngagaaq oqaatigisinnaanngilara.

Isummersuutit

#FQ2019

Aaja Chemnitz Larsen, folketingskandidat for Inuit Ataqatigiit, afgiver sin stemme til Folketingsvalget i Godthåbshallen i Nuuk. Foto: Christian Sølbeck. (Foto: Christian Klindt Sølbeck/Ritzau Scanpix)

LIVE: Aki Mathilda Høegh Dam aamma Aaja Chemnitz Larsen Folketingimut qinigaapput