Anders Fogh Rasmussen Siriusikkunnukanngitsoorpoq
Allattoq Najaaraq Egede
Statsministeri Anders Fogh Rasmussen Illersornissaq pillugu atortorissaarutinik takuniaalluni ulluni makkunani nunatsinnippoq, Siriusikkunnik nunatta Tunup avannaani qimussimik alapernaarsuisitaasunik takuniaalluni angalanissaralua kinguartinneqarpoq.
Fogh Rasmussen ataasinngormat Pituffimmut tikippoq, taavanilu angallanneqarluni.
Pilersaarutit naapertorlugit Statsministerip sakkutooqarfik station Nord-imiittoq takuniartussaagaluarpaa, Siriusermiut naapittussaagaluarlugit.
Silali ajorpallaarmat taamatut angalanissaralua kinguartinneqarpoq, taarsiullugulu Qaanaap eqqaani timmisartumik angallanneqarluni.