Anders Fogh Rasmussen qinigassanngortinniarpoq
Nunat NATO-mut ilaasortat aallartitaasa immikkut ittumik ataatsimeersuarneranni taanna pisimasoq, Bruxelles-imi naalakkersuisunit tusarfiit aviisip Politikenip nittartagaanut, politiken.dk-mut oqarput.
Anders Fogh Rasmussenip qinigassanngortinniarneranik tusatsiartakkanut Tyrkia suli akerliummat, Nunat Killiit Illersuiniaqatigiiffianni naalagaaffimmi qullersat naalakkersuisullu siulittaasui Strasbourgimi aqagu ataatsimiinneranni qullersanngortussaq kinaassanersoq aalajangerneqassaaq.
Ataatsimiittoqarnissaanut pissutaavoq NATO-p pilersinneqarneraniit aqagu ukiut 60-inngortussaammata.
Danmarkip Radioata Bruxellesimi ilanngutassiortua, Mette Fugl, oqarpoq, ukiunik 60-inngortorsiornissaq ulapputigineqangaarmat kia qullersanngornissaa assut isumaqatigiissutigineqarneq ajulersoq.
- Aqagu ataatsimeersuartoqarnerani aalajangiisoqarsinnaasuuppat iluassagaluaqaaq. Kisianni taama pisoqassanersoq ilimanarpallaanngilaq, Mette Fugl oqarpoq.
