Anders Fogh Rasmussen misissuisitserusunngilaq

Muuamaamik titartakkat nakerisarsiornani misissuivigineqarnissaat Danmarkimi naalakkersuisunut illuatungiliuttut piumasarigaluarpaat, tamannali ministeriunerup, Anders Fogh Rasmussenip, itigartippaa. – Piumasaqaat partiit politikkeqarnerannut tunngavallaarpoq, ministeriuneq oqarpoq.

Muuamaamik titartakkat pillugit naalakkersuisut suliaat oqallinnerallu misissorneqartariaqartoq, illuatungiliuttut kissaatigigaluarpaat, oqarlutilli, misissuinissaq massakkorpiaq pinngikkaluarluni, nunanili allani politikkikkut eqqissiviilliorneq

Qaangerneqarpat aallartinneqarsinnaasoq.

Ministeriunerli tamatumunnga isumaqataanngilaq, oqarluni, aaqqiissutissamik siumut samminerusumik nassaartariaqarlutik. – Atorfilittavut suliassamik taamaattumik maanna artukkissanngilavut, Anders Fogh Rasmussen oqarpoq. Suliap maanna aallartinneqartariaqannginneranik illuatungiuttut oqarnerat, ministeriunerup tusaanngitsuusaartutullusooq ippaa.

- Muuamaamik titartakkanut tunngassuteqartut tunngaviusumik eqqartorneqartariaqarput, imaanngilaq ataatsimiinnertigut allakkatigullu tamanna pissasoq. Itigartitsinerminut tunngavilersuutit pingajuattut taavaa, nunanut allanut Danmarkip attaveqarnera tatigeqatigiilluni ammasumillu ingerlanneqartariaqartoq, misissuinissaq taamaammat isumatusaarnerunngitsoq.